Au-Rugger

 

Miete die Au-Rugger Bar!

Ab sofort chasch du unseri mobili Bar für di Ahlass miete! -> Bar mieten


Fotos Fasnacht 2022

In dr Galerie findisch jetzt alli Föteli vo dr Fasnacht 2022. Vill Spass :)
Folg uns au uf Facebook, Instagram sowie YouTube, dört erschine immer wieder neue Sache.

Jetzt gohts für uns witer mit GV und Pfingstusflug und denn ind Summerpause bis Mitti August.


Neumitglieder Infoabend

D’ Au-Rugger sind Trumpf und du chasch das AU wärde.

Ufgrund vo vilne Ahfroge und einige Absänze findet am 23. März nomol e Neumitglieder Infoobe statt. Dört wärde mir uns als Verein vorstelle, dir zeige wie d’ Probe, d’ Vorbereitige und d’ Fasnacht bi uns ablaufe und du chasch dis lieblings Instrument direkt vor Ort usprobiere.

Meld di am beste grad do ah und chum am 23. März am 19:30 Uhr zum Primarschuelhuus in Niederdorf.
-> Anmeldung

Natürlich darfsch dich au bimene Mitglied melde oder uns via Facebook und Instagram ahschribe. Bis denn!


Impressionen Fasnacht 2022

Mehr Bilder kommen demnächst in der Galerie.


Mir sind Trumpf!

An dr Fasnacht 2022 ist euses Sujet dr Trumpf Buur. Zwei Joor het s Kostüm im Schrank müesse warte, jetzt stelle mirs früsch useputzt zur Schau. Getreu em Motto säge d Au-Rugger: Mir sind Trumpf!

Wo de uns die Fasnacht überall chasch gseh und ghöre, lisisch ei Artikel witer unde.

Ihdrück vo dr Fasnacht findisch täglich uf em Facebook oder Instagram Profil, bevor d Föteli denn au in dr Galerie sind. Folg uns also au dört. -> Facebook / Instagram

Du bisch AU Trumpf oder Buur, beides oder willsch es wärde? Mit dem Link chasch di als Neumitglied bi uns ahmelde. Am Mittwuch dr 16. März findet dr Infoobe statt. -> Anmeldung


Programm Fasnacht 2022

D Fasnacht stoht vor dr Tür - das isch euses Programm.
D Uftrittszite und Umzugsnummere findisch jewils an dem Tag in unserer Story uf Facebook und Instagram.
Folg uns au uf dene Kanäl zum keini Infos z‘verpasse.
 
Du willsch es Aktiv- oder Passivmitglied wärde oder als Gönner öbis zu unserem Verein bistüre? Denn chasch di do ahmelde. Mitglied werden
 

Vorfasnacht in Rapperswil

Am Samstig 19. Februar 2022 sind mir in Rapperswil an dr Fasnacht gsi. Mir hend unseres Marschprogramm absolviert und mehreri Platzkonzärt geh. E glungeni Sach wo allne s Herz het loh erstrahle. 

Jetzt sind mit heiss und endgültig parat fürd Fasnacht 2022 bi eus im 'Tal'. 
Mir starte am Sunntig 6. März mit em Fasnachtsfescht in Oberderdorf.
Witeri Infos zum Programm folge.


Guggesause im Livestream

D' Au-Rugger bringe dir per Livestream dr Sound vo dr Guggesause 2022 direkt in dis Wohnzimmer. Statt dr gwohnt Party in dr Turnhalle hend mir Coronakonform e Solo-Uftritt ahnegleggt. Zrugglähne und gniesse.


Musik trotz(t) Corona

AU wenn d Pandemie nonig verbi isch, sind mir witerhin flissig am üebe. Am 25. September hend mir dr ersti Probetag gha und als tolle Abschluss dörfe an dr Hochzit vomene Ehremitglied ufträtte. Es wunderbars gfühl nach so langer Zit!

Am 16./17. Oktober reise mir gmeinsam in unsers Probeweekend, mit em Ziel: neue Lieder lerne, die alte Lieder wieder uffrüsche und gmeinsam e schöni Zit z'ha. 

D Guggesause isch in Planig und wird stand 5. Oktober 2021 au chöne duregfüehrt werde. S Datum isch dr 15. Januar 2022 in dr MZH Niederdorf BL.


Start in das neue Vereinsjahr

Mit dr Generalversammlig im Mai isch s Vereinsjohr 2020/21 z'End gange. Für langi Zit sind underi Kläng verstummt - Jetzt gohts endlich wieder los! Mitti August starte d Au-Rugger mit de Probe um denn hoffentlich bald vor euch dörfe ufztrette. 

Neumitglieder sind witerhin willkomme und chönne sich DO ahmelde.

In dr Zwüschezit chasch in dr Galerie oder uf unserem YouTube-Kanal in Erinnerige schwelge :)

Folg uns uf Instagram und Facebook zum keini News z'verpasse!


Guggesause 2022

S Datum für die nögschti Guggesause isch bekannt! Am 15.01.2022 stigt endlich wieder unseri gliebti Party in dr MZH Niederdorf. Traget euch s Datum jetzt scho in eure Kalender ih! Witeri Infos findisch unter guggesause.ch 


Neumitglieder gesucht

AU das Joor sind Neumitglieder bi uns herzlich Willkomme. Egal öb du es Instrument willsch lerne oder scho eins spielsch, mir händ uf allne Register no Plätz frei. Meld di ah wenn du zämme miteme coole Huffe tolli Guggemusig willsch mache und d Fasnacht in dr ganze Schwiz willsch erläbe. - Eifach ufe Link klicke!


Fasnacht 2021

Liebi Fründe - Us bekannte Gründ wärde mir während dr Fasnachts-Zyt 2021 leider weder z'ghöre no z'gseh si.

Glich möchte mir d Fasnacht au das Joor fiire - Gmeinsam mit euch! Drum gits während dr Fasnachtswuche jede Tag es Video us alte Zyte zum d Fasnacht zu euch ind Stube z'bringe. AU ihr chönnet euchi schönschte Moment mit uns teile. -> Postet eures Föteli oder Video vo uns mit @aurugger , markieret uns mit #aurugger oder schickets uns per Nochricht.

D Au-Rugger wünsche allne e schöni fünfti Jooreszyt!


Guggesause 2021 ABGESAGT

Mir bedure euch müsse mitteile, dass d Guggesause 2021 NID stattfindet. D Uflage vom Bund ermögliche uns im Moment kei Durchfüehrig imene würdige Rahme, drum hend mir uns entschiede d Sause 2021 nid durezfüehre.
AU mir warte nur druf, endlich wieder vor euch dörfe z'spiele. Bis denn luege mir zrugg uf vergangeni Joor!

Au-Rugger


NEWS

 
Au-Rugger Lokal:
- Liebi Au-Ruggger Fründe, am 9. Mai hend mir uns an dr usserordentliche GV derzue entschiede d Ära vom Au-Rugger Lokal und dr Au-Ruggger Bar z'beende.
Unvergässe blibe legendäri Partys, verschwitzti Probe, Fondue-Pläusch, hitzigi Diskussione, dr einzigartig Gruch, und und und... An dere Stell e riise DANKESCHÖN an alli wo s Lokal zu dem gmacht hend was es (gsi) isch!
Ab em August werde mir im Kantonnement z Niederdorf Probe und au fürd Wiehnachts- bzw. Fasnachtsbar lömmer uns öbis loh ihfalle! Infos folge.

Ordentlichi GV:
- Am 3. Juli hemmer die ordentlichi GV im
Hotel-Restaurant Löwen dörfe durefüehre, danke fürs feine Esse und dr Service! Nebe Neubsetzige in diverse chlinere Sache gits e neue Kassier, e neue Guggesause OK-Chef und e neue Major.
DANKE an dr ganzi Vorstand für einisch mehr e glungenes Vereinsjoor und de Neugwählte vill Erfolg bi de neue Ufgobe.
 
Au-Rugger

Videos

Tolli Videos us alte Zyte gits jetzt neu unter Videos oder uf YouTube, lueg ine!


Fasnacht 2020

In dr Galerie findisch Föteli und Videos vo dr Fasnacht. Die neue Lieder ghörsch uf Facebook oder Instagram.

 

Das war's schon wieder.

Anderst als erwartet - guet wie immer. Do die erste Ihdrück.

 

       

 

Leider het uns dr Bundesrot e Strich durch d Rechnig gmacht, trotzdem hemmers uns nid loh neh und hend d Fasnacht imene chline und sehr charmante Rahme dörfe fiire.  


GUGGESAUSE 2020

 

Herzlichen Dank 

  

 

... an alli Bsuecher, Gugge, Helfer und natürlich de Sponsore!
 
 
Dank euch allne isch d Guggesause 2020 eimol mehr e super Fest worde!
 
 
Föteli findisch ab sofort unter guggesause.ch 

Fasnacht 2019

 

Schön isch si gsi d Fasnacht 2019.. Leider scho wider dure aber mir hoffe dr Napoleon hät Freud gha an eus.
Danke an alli wo uns an dere Fasnacht unterstützt hei oder uns zueglost hei!

PS: In dr Galerie findisch die aktuellschte Bilder und Videos vo dr Fasnacht 2019 

 


Au-Rugger @ Facebook